ಈಡಿಸ್ ಈಜಿಪ್ಟಿ ಸೊಳ್ಳೆಯಿಂದ ಹರಡುತ್ತದೆ ಮತ್ತು ಸೋಂಕಿತ ಜನರಲ್ಲಿ ಜ್ವರ ತರಹದ ರೋಗಲಕ್ಷಣಗಳಿಗೆ ಕಾರಣವಾಗುತ್ತದೆ. ಹೆಚ್ಚಿನ ಸಂದರ್ಭಗಳಲ್ಲಿ ರೋಗಲಕ್ಷಣಗಳು ಅಷ್ಟೊಂದು ತೀವ್ರವಾಗಿರುವುದಿಲ್ಲ ಆದರೆ ಎರಡನೇ ಬಾರಿಗೆ ಡೆಂಗ್ಯೂ ಸಂಭವಿಸಿದಾಗ ಇದು ತೀವ್ರವಾಗಿ ಮಾರ್ಪಡಬಹುದು ಹಾಗೂ ಇದರಿಂದ ಅಂಗ ಹಾನಿ, ಸಾವು ಸಂಭವಿಸಬಹುದು.
ಸೊಳ್ಳೆಯಿಂದ (mosquito) ಹರಡುವ ರೋಗವಾದ ಡೆಂಗ್ಯೂ ಭಾರತ ಸೇರಿದಂತೆ ವಿಶ್ವದ ವಿವಿಧ ಭಾಗಗಳಲ್ಲಿ ವ್ಯಾಪಿಸುತ್ತಿದೆ. ವೈರಸ್ ಡಿಇಎನ್‌ವಿ ಡೆಂಗ್ಯೂಗೆ ಕಾರಣವಾಗಿದ್ದು ಈಡಿಸ್ ಈಜಿಪ್ಟಿ ಸೊಳ್ಳೆಯಿಂದ ಹರಡುತ್ತದೆ ಮತ್ತು ಸೋಂಕಿತ ಜನರಲ್ಲಿ ಜ್ವರ ತರಹದ ರೋಗಲಕ್ಷಣಗಳಿಗೆ ಕಾರಣವಾಗುತ್ತದೆ. ಈಡಿಸ್ ಈಜಿಪ್ಟಿ ಸೊಳ್ಳೆಯಿಂದ ಹರಡುತ್ತದೆ ಮತ್ತು ಸೋಂಕಿತ ಜನರಲ್ಲಿ ಜ್ವರ ತರಹದ ರೋಗಲಕ್ಷಣಗಳಿಗೆ ಕಾರಣವಾಗುತ್ತದೆ. ಹೆಚ್ಚಿನ ಸಂದರ್ಭಗಳಲ್ಲಿ ರೋಗಲಕ್ಷಣಗಳು ಅಷ್ಟೊಂದು ತೀವ್ರವಾಗಿರುವುದಿಲ್ಲ ಆದರೆ ಎರಡನೇ ಬಾರಿಗೆ ಡೆಂಗ್ಯೂ ಸಂಭವಿಸಿದಾಗ ಇದು ತೀವ್ರವಾಗಿ ಮಾರ್ಪಡಬಹುದು ಹಾಗೂ ಇದರಿಂದ ಅಂಗ ಹಾನಿ, ಸಾವು ಸಂಭವಿಸಬಹುದು.
ಹಾಗಿದ್ದರೆ ಡೆಂಗ್ಯೂ ಎರಡನೇ ಬಾರಿಗೆ ಏಕೆ ಮಾರಕವಾಗಬಹುದು ಎಂಬುದನ್ನು ತಿಳಿದುಕೊಳ್ಳೋಣ.
ಎರಡನೇ ಬಾರಿಗೆ ಪ್ರಾಣಾಂತಕವಾಗಬಲ್ಲ ಡೆಂಗ್ಯೂ
ಈಡಿಸ್ ಈಜಿಪ್ಟಿ ಸೊಳ್ಳೆಯಿಂದ ಹರಡುವ ಡೆಂಗ್ಯೂವಿನಿಂದ ಲಕ್ಷಾಂತರ ಜನರು ಬಳಲುತ್ತಿದ್ದಾರೆ. ವಿಶ್ವ ಆರೋಗ್ಯ ಸಂಸ್ಥೆ (WHO) ಪ್ರಕಾರ, ಪ್ರತಿ ವರ್ಷ ಸುಮಾರು 100 ರಿಂದ 400 ಮಿಲಿಯನ್ ಡೆಂಗ್ಯೂ ಸೋಂಕುಗಳು ಸಂಭವಿಸುತ್ತವೆ, ವಿಶ್ವದ ಜನಸಂಖ್ಯೆಯ ಅರ್ಧದಷ್ಟು ಜನರು ಈ ರೋಗದ ಅಪಾಯದಲ್ಲಿದ್ದಾರೆ.
ಇದನ್ನೂ ಓದಿ:
ಇದು ನಾಲ್ಕು ಡೆಂಗ್ಯೂ ವೈರಸ್ ಸೆರೋಟೈಪ್‌ಗಳು ಅಥವಾ ಆವೃತ್ತಿಗಳಲ್ಲಿ ಒಂದರಿಂದ ಉಂಟಾಗುತ್ತದೆ, ಇದು ಸೋಂಕಿತ ಈಡಿಸ್ ಸೊಳ್ಳೆಗಳ ಕಡಿತದ ಮೂಲಕ ಹರಡುತ್ತದೆ.
ವೈರಸ್ ಆವೃತ್ತಿಗಳಲ್ಲೊಂದಕ್ಕೆ ನೀವು ತುತ್ತಾದಾಗ ಪ್ರತಿರಕ್ಷೆಯನ್ನು ಪಡೆಯಬಹುದು. ಆದರೆ ಎರಡನೇ ಬಾರಿ ಸೋಂಕು ಉಂಟಾದಾಗ ಅದನ್ನು ಗುರುತಿಸಲು ಹಾಗೂ ಅದರೊಂದಿಗೆ ಹೋರಾಡಲು ದೇಹದ ಪ್ರತಿರಕ್ಷಣೆ ಸಮರ್ಥವಾಗಿರುತ್ತದೆ.
ನಿರ್ದಿಷ್ಟ ವೈರಸ್ ಆವೃತ್ತಿಯೊಂದಿಗೆ ಹೇಗೆ ಹೋರಾಡಬೇಕು ಎಂಬುದು ದೇಹಕ್ಕೆ ಗೊತ್ತಿರುತ್ತದೆ ಹಾಗಾಗಿ ನೀವು ಪುನಃ ಅನಾರೋಗ್ಯಕ್ಕೆ ಒಳಗಾಗುವುದಿಲ್ಲ.
ಆದರೆ ಮೊದಲ ಸೋಂಕಿನ ನಂತರ ನೀವು ಬೇರೆ ಸಿರೊಟೈಪ್ ಸೋಂಕಿಗೆ ಒಳಗಾಗಿದ್ದರೆ, ನಿಮ್ಮ ಪ್ರತಿರಕ್ಷಣಾ ಪ್ರತಿಕ್ರಿಯೆಯು ವೈರಸ್ ದೇಹದೊಳಗೆ ಹೆಚ್ಚು ಪರಿಣಾಮಕಾರಿಯಾಗಿ ಹರಡಲು ಸಹಾಯ ಮಾಡುತ್ತದೆ ಎಂದು ಆಂತರಿಕ ಔಷಧ ಮತ್ತು ಸಾಂಕ್ರಾಮಿಕ ರೋಗಗಳ ತಜ್ಞ ಡಾ ಅಂಕಿತ್ ಬನ್ಸಾಲ್ ಹೇಳುತ್ತಾರೆ.
ಜಾಹೀರಾತು
ಏಕೆಂದರೆ ನಿಮ್ಮ ಪ್ರತಿರಕ್ಷಣಾ ವ್ಯವಸ್ಥೆಯು ರೋಗದ ಹೊಸ ಆವೃತ್ತಿಯೊಂದಿಗೆ ಪರಿಚಿತವಾಗಿರುವುದಿಲ್ಲ ಮತ್ತು ದೇಹವು ಆಕ್ರಮಣಕಾರಿ ರೀತಿಯಲ್ಲಿ ಪ್ರತಿಕ್ರಿಯಿಸುವಂತೆ ಮಾಡಬಹುದು.
ಇದು ಮತ್ತಷ್ಟು ಡೆಂಗ್ಯೂ ಶಾಕ್ ಸಿಂಡ್ರೋಮ್‌ಗೆ ಕಾರಣವಾಗಬಹುದು, ಇದರಿಂದ ತೀವ್ರವಾದ ಡೆಂಗ್ಯೂ ಮತ್ತು ರಕ್ತಸ್ರಾವ, ಪ್ಲಾಸ್ಮಾ ಸೋರಿಕೆ ಮತ್ತು ಆಘಾತ ಉಂಟಾಗಬಹುದು ಎಂದು ತಿಳಿಸಿದ್ದಾರೆ.
ವಿಶ್ವ ಆರೋಗ್ಯ ಸಂಸ್ಥೆಯ ಪ್ರಕಾರ ಎರಡನೇ ಬಾರಿಗೆ ಸೋಂಕಿಗೆ ಒಳಗಾದ ಜನರು ತೀವ್ರವಾದ ಡೆಂಗ್ಯೂಗೆ ಹೆಚ್ಚಿನ ಅಪಾಯವನ್ನು ಹೊಂದಿರುತ್ತಾರೆ, ಇದು ಜೀವಕ್ಕೆ ಅಪಾಯವನ್ನುಂಟುಮಾಡುತ್ತದೆ.
ಅಕ್ಟೋಬರ್ 2024 ರಲ್ಲಿ ಜರ್ನಲ್ ಆಫ್ ಮೈಕ್ರೋಬಯಾಲಜಿ, ಇಮ್ಯುನೊಲಾಜಿ ಮತ್ತು ಇನ್ಫೆಕ್ಷನ್‌ನಲ್ಲಿ ಪ್ರಕಟವಾದ ಅಧ್ಯಯನದ ಸಮಯದಲ್ಲಿ, ಎರಡನೇ ಬಾರಿ ಸೋಂಕಿಗೆ ಒಳಗಾದ ಜನರಲ್ಲಿ ಅಪಾಯವು ಶೇಕಡಾ 7.8 ರಷ್ಟಿದೆ ಎಂದು ಕಂಡುಬಂದಿದೆ. ಮೊದಲ ಬಾರಿಗೆ ಸೋಂಕಿಗೆ ಒಳಗಾದ ಜನರಲ್ಲಿ ಇದು ಕೇವಲ 3.8 ಪ್ರತಿಶತವಾಗಿದೆ.
ಜಾಹೀರಾತು
ಎರಡನೇ ಬಾರಿಗೆ ಸಂಭವಿಸುವ ಡೆಂಗ್ಯೂ: ಸೋಂಕಿನ ರೋಗಲಕ್ಷಣಗಳು ಹೇಗೆ ಭಿನ್ನವಾಗಿರುತ್ತವೆ
ಅಧಿಕ ಜ್ವರ, ತೀವ್ರ ತಲೆನೋವು, ಕಣ್ಣುಗಳ ಹಿಂದೆ ನೋವು, ಕೀಲು ಮತ್ತು ಸ್ನಾಯು ನೋವು ಮತ್ತು ದದ್ದುಗಳಂತಹ ಡೆಂಗ್ಯೂ ಲಕ್ಷಣಗಳು ಸಾಮಾನ್ಯವಾಗಿ ಸೋಂಕಿನ 4 ರಿಂದ 10 ದಿನಗಳ ನಂತರ ಕಾಣಿಸಿಕೊಳ್ಳುತ್ತವೆ.
ಇನ್ನು ಎರಡನೇ ಬಾರಿಗೆ ಕಂಡು ಬರುವ ಡೆಂಗ್ಯೂವಿನ ರೋಗಲಕ್ಷಣಗಳು ಹೀಗೆ ಇದ್ದರೂ ನೋವು ತೀವ್ರವಾಗಿರುತ್ತದೆ. ಎರಡೂ ಸೋಂಕುಗಳು ಸಾಮಾನ್ಯವಾಗಿ ಜ್ವರ, ತಲೆನೋವು, ಸ್ನಾಯು ನೋವು ಮತ್ತು ದದ್ದುಗಳೊಂದಿಗೆ ಪ್ರಾರಂಭವಾಗುತ್ತವೆ, ಎರಡನೆಯ ಸೋಂಕು ತೀವ್ರ ರೋಗಲಕ್ಷಣಗಳ ಅಪಾಯವನ್ನು ಹೆಚ್ಚಿಸುತ್ತದೆ.
